Хууль зүйн сайд Х.Тэмүүжин өчигдөр УИХ-ын дарга З.Энхболдод зургаан хуулийн төсөл өргөн барилаа. Эдгээрт  “Цагдаагийн байгууллагын тухай”, “Мөрдөх албаны тухай”, ”Хууль сахиулагчийн эрх зүйн байдлын тухай”, ”Маршалын албаны тухай”, “Гэрч хохирогчийн эрх зүйн байдлын тухай”, “Төлбөрийн чадваргүй яллагдагчид эрх зүйн туслалцаа үзүүлэх тухай” хуулийн төслүүд багтаж байгаа юм гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.