2013 оны УИХ-ын хаврын чуулганы анхны хуралдаан эхэллээ. УИХ-ын дарга З.Энхболд өнөөдрийн хуралдаанаар хэлэлцэх асуудлыг танилцуулж байна. Өнөөдрийн хуралдаанаар Улсын Дээд шүүхийн шүүгчид нэр дэвшигчдийг танилцуулах, "Монгол Улсын Ерөнхийлөгчийн сонгуулийг товлон зарлах тухай” Улсын Их Хурлын тогтоолын төсөл, “Монгол Улсын Ерөнхийлөгчийн сонгуулийн зардлын хэмжээг батлах тухай” зэрэг хэд хэдэн асуудлыг хэлэлцэх юм. УИХ-ын чуулганаар хэлэлцэх эхний асуудал Улсын дээд шүүхийн шүүгчид нэр дэвшигчдийг танилцуулах юм. Яг одоо Улсын дээд шүүхийн шүүгчид нэр дэвшигчдийг Шүүхийн ерөнхий зөвлөлийн дарга Ц.Зориг танилцуулж байна. Д.Цэцэг