Бандун хотоос Бали руу зорчиж явсан Индонезийн “Boeing 737 900 ER” онгоц далайн эргийн ойролцоо усанд унасан байна. Уг онгоцыг Индонезийн туршлагатай нисгэгч М.Газали жолоодож явжээ. Өнгөрсөн жил үйлдвэрээс гарсан уг онгоц 10 мянган цаг ниссэн хагас жил ашиглагдаж буй аж. Осолдсон онгоц буух зурвасын дээгүүр өнгөрөөд далайд унасан юм байна. “Lion Air” компанийн  “Boeing-737” онгоцны хар хайрцаг олдсон тул удахгүй шалтгаан нь тодорхой болно хэмээн эрх баригчид мэдэгджээ.  Эмнэлэгт хүргэгдсэн зорчигчид эхнээсээ мэдүүлэг өгч эхэлсэн байна. Жуулчдын ярьснаар онгоц их хурдтайгаар далайд унасан бөгөөд хүчтэй цохилт мэдэрсэн аж. Аварга онгоц энэ хүчтэй цохилтоос болж дундуураа хуваагдсан байна. Осол гарах үед зорчигчид яах учраа олохгүй сандарч аврах хантааз булаацалдаж байсан гэнэ. Онгоцны бүхээг даруй усаар дүүрч хүмүүс  эрэг рүү сэлж эхэлжээ.  Азаар 109 зорчигч эсэн мэнд аврагдаж 50 хүн хүнд, хөнгөн гэмтэлтэй эмнэлэгт хүргэгджээ. Д.Баясаа