Банкны тухай хууль зөрчин, хуурамч хувьцаа гаргаж, иргэдийг хохироосон хэрэгт буруутгагдсан “Анод” банкны удирдлагуудын гаргасан гомдлыг яг одоо Нийслэлийн шүүхэд хэлэлцэж байна. Тэднийг бусдад 116 тэрбум төгрөгийн хохирол учруулсан хэмээн үзэж, анхан шатны шүүхээс Д.Энхтөр, Э.Гүр-Аранз нарт тус бүр найм, Н.Даваа, Л.Уламбаяр нарт зургаан жилийн хорих ял оноож, тус бүр 1-2 сая төгрөгийн эд хөрөнгө хураахаар шийдвэрлэсэн билээ. Ингэхдээ 2009 онд батлагдсан Өршөөл үзүүлэх тухай хуулийн дагуу шүүгдэгч тус бүрээс гурван жилийн ялыг нь хасч, Д.Энхтөр, Э.Гүр-Аранз нарыг тав, үлдсэн хоёрыг нь гурван жил хорих ял биеэр эдлүүлэхээр болсон билээ. Гэвч тэд анхан шатны шүүхийн шийдвэрийг эсэргүүцэн, давж заалдах шатны шүүхэд гомдол гаргаад байсан юм. Шүүх хуралд шүүгдэгчид ирээгүй бөгөөд тэдний итгэмжлэгдсэн төлөөлөгч, өмгөөлөгчид оролцож байгаа юм байна. Д.Цэцэг