Монголын хөлбөмбөгийн холбооны Цомын төлөөх тэмцээний хагас шигшээ тоглолт өчигдөр боллоо. Тоглолтод “Улаанбаатар” дээд сургуулийн баг, “Хоромхон”, “Эрчим”, “Хангарьд” багийн тамирчид өрсөлдсөн. Эхний тоглолт “Улаанбаатар” ДС-“Хоромхон” багуудын хооронд болж, өрсөлдөөнтэй ширүүн тэмцээн болж, эхний үед “Хоромхон” баг 5:3 –ийн харьцаагаар түрүүлсэн. Харин хоёрдугаар үед “Улаанбаатар” ДС баг 8:5-ийн харьцаагаар ялалт байгуулсан. Дараагийн тэмцээн “Эрчим”, “Хангарьд” багийн хооронд болж, 4:1-ийн харьцаагаар “Эрчим”-ийнхэн ялалт байгууллаа. Маргааш “Улаанбаатар” дээд сургуулийн баг, “Хангарьд” багийнхантай 2, 3 дугаар байрын төлөө өрсөлдөнө. Харин энэ сарын 21-нд “Эрчим”, “Хоромхон” багийн тамирчид аваргын төлөө өрсөлдөнө. П.Наран Гэрэл зургийг Б.Мөнх-Эрдэнэ