Өнгөрсөн жилийн дэлхийн мисс болсон хятад бүсгүй Юй Вэнься манай хойд хөршид ирж эмэгтэйчүүдийн сэтгүүлд ярилцлага өгчээ. Юй 2012 оны дэлхийн мисс болсон. Тэрбээр 1989 оны дөрөвдүгээр сарын 6-нд  Харбинд төржээ. Тэрээр Хятадаас төрсөн хоёр дахь дэлхийн мисс болсон юм. Хөгжмийн сургуульд сурдаг. Хөгжмийн багш болохыг хүсдэг түүний ярилцлагыг сонирхоно уу. -Ийм нэр хүндтэй уралдаан тэмцээнд оролцох ямар байсан бэ. Хамгийн хүндрэлтэй зүйл юу байсан бол? -Дэлхийн миссийн титэм хүртэнэ гэж зүүдлээ ч үгүй явлаа. Дэлхийн мисс болоход бүсгүй хүнд байх ёстой  олон сайхан чанарыг эзэмшсэн байх ёстой. Шүүгчид ч үүнийг ажигласан болов уу. Хамгийн хэцүү зүйл гэвэл тэмцээний үеийн хатуу график, өдөр бүрийн өглөөнөөс шөнө хүртэлх ачаалал. Та бүхэнд л гэж хэлэхэд ямар ч нөхцөлд сайхан харагдана гэдэг үнэхээр хүнд даалгавар шүү.  -Хамгийн сайхан эмэгтэй гэж хэнийг хэлэх вэ? -Миний хувьд сэтгэл зүрх нь хайраар дүүрсэн тийм л эмэгтэйг сайхан гэнэ. - Гоо сайхандаа хэрхэн анхаардаг вэ? -Ихэнхдээ нүүрэндээ будагтай явдаг болохоор орой маш сайн цэвэрлэдэг. Арьсыг сайн цэвэрлэх тусам будаг сайн тогтдог. Харин биеийн арьсаа бусад бүх бүсгүйчүүдийн адил тусгай лосьон түрхэж арчилдаг. -Хэрвээ яаралтай чухал уулзалт гарвал хэрхэн бэлддэг вэ? -Уулзалт бүрийг эртнээс товлосон байдаг тул даашинзнаас эхлээд нүүр будалтаа хүртэл тухайн байдалд тохируулан бэлдсэн байдаг. Тиймээс уулзалтын өдөр энэ бүхэнд бага цаг зарцуулдаг. -Таны гоо үзэсгэлэн ажил төрөл бусад зүйлд тань тус болдог уу? -Мэдээжийн хэрэг үзэсгэлэнтэй бүсгүйд ямар нэг хэмжээний давуу тал байдаг. Миний хувьд гадаад үзэмж маань байнга очдог сурагч  хүүхдүүдэд тус болдог байх шүү.  (инээв) -Таалагдсан эр хүнийхээ анхаарлыг хэрхэн татах вэ? -Ийм тохиолдолд инээмсэглэдэг. Бүх хүнд инээмсэглэж байгаа хүн таалагддаг гэж боддог. Ярилцлага өгсөнд баярлалаа. Танд амжилт хүсье. Бэлтгэсэн Д.Баясаа