-Кетцалькоатлийн далавч нь барагцаалвал МиГ-29 нисэх онгоцных шиг- Эртний энэ амьтад нисэх гэж их зүдэрдэг байж. Том птерозавр нь өнөөгийн хамгийн том нисдэггүй шувуунаас хавьгүй том байжээ. Кетцалькоатль нь жишээлвэл, анаашны дайтай байсан байна. Ингэхдээ тэр 200-250 кг жинтэй байж. Өөрөөр хэлвэл, ийм том бие, жинтэй энэ амьтан газраас хөөрч чаддаг байсан нь ерөөс ойлгомжгүй юм. Өөр нэг асуудал гэвэл, кетцалькоатлийн араг ясны үлдэгдэл нь хөөрөн нисэх аятайхан талбай байж болох эрэг хавийн байц хад юмуу уулнаас зайдуу, далайгаас хол газраас олддог байна. Гэвч 70-80 кг жинтэй нисдэг амьтдын тухайд гэвэл, эдгээр нь хөөрөхдөө нуурын эргийн налууг ашиглаж байсныг АНУ-ын Техасын технологийн их сургуульд хийсэн компьютерын загварч-лал харуулжээ. Энэ амьтан эхлээд далавчаа хумин, дөрвөн хөлөөрөө гүйдэг байж. Дараа нь далавчаа дэвж, хойд хоёр мөчөөрөө гүйж эхэлдэг байна. Сүүлд нь урагшаа тонгойн, газраас тасардаг байжээ. Агаарт гарснаар кетцалькоатль агаарын урсгалд нэлээд аятайхан элин хальж чаддаг байжээ. Эх сурвалж: ТВ7 хоног