
Энэтхэгийн нийслэл Нью Дели хотноо бөхийн чөлөөт барилдааны Азийн аварга шалгаруулах тэмцээн үргэлжилж байна. 20 орны тамирчин зодоглож буй уг тэмцээнд Монголын баг бүрэн бүрэлдэхүүнээр буюу чөлөөт бөхийн эрэгтэй, эмэгтэй тус бүр долоон жингийн ангилалд тамирчид оролцож байгаа. Монголын баг тамирчид тус тэмцээнээс нэг алт, гурван мөнгө, хоёр хүрэл медаль хүртсэн амжилтаар багийн дүнгээр долдугаар байрт бичигдээд байна. Өнгөрсөн бямба гаригт Монголын баг тамирчдаас эрэгтэйчүүдийн 55 кг-ын жинд залуу тамирчин Б.Номин хүрэл медаль хүртсэн. Өчигдөр эмэгтэйчүүдийн 67 кг-д гавьяат тамирчин О.Насанбурмаа алт, 59 кг-д Т.Мөнхтуяа, 72 кг-д Б.Одончимэг, эрэгтэйчүүдийн 120 кг-д Ж.Чулуунбат нар хүрэл медаль хүртээд байна. Харин өнөөдөр Монголын тамирчдаас 66 кг-д Г.Мандахнаран, 74 кг-д Б.Анхбаяр, 84 кг-д О.Үйтүмэн, 96 кг-ын жинд Д.Хүдэрбулга нар тивийн аваргын дэвжээнд зодоглох юм.
Д.Цэцэг
СЭТГЭГДЭЛ БИЧИХ