Нийслэлийн Баянгол дүүргийн VI хорооны нутаг дэвсгэр, Kёкүшю цамхагийн баруун талд байрлах 39 дүгээр  байр буюу 66 айлын 12 давхар орон сууцны оршин суугчдын төлөөлөл, тэдний өмгөөлөгч Ц.Монгол нар өнөөдөр хэвлэлийнхэнд хандлаа. Учир нь тус орон сууц болон уг барилгын гүйцэтгэгч, хөрөнгө оруулагч нарын талаар зөрүүтэй мэдээлэл цацагдах болсон тул ийнхүү хэвлэлийн хурал зарласан аж. Манай улсад үйл ажиллагаа явуулж байсан Хятадын хоёр компани хоорондын асуудлаас үүдэн тус орон сууцанд амьдарч буй оршин суугчид хохирч, мөн чанаргүй барилгыг улсын комисс хууль зөрчин хүлээн авсан зэрэг олон асуудал яригдсаар өнөөдрийг хүржээ.  байгаа гэнэ. Нийслэлийн Засаг даргын Тамгын газрын ажилчдын гэх тодотголтой уг орон сууцыг 2008 онд барьж эхлэх цагаас улсын комисс хүлээж авах хүртэл ямар нэгэн шалгалт хийгээгүй, дүрэм журмын дагуу шалгаж нягтлалгүй хүлээн авсан аж. Уг барилга нь өнөөдөр сантехник нь хаанаа ч хамаагүй задардаг, хананд нь цууралт үүссэн, ус алдалтыг зогсоохын тулд айл бүрийн ханыг цоолж байж, эвдрэл гэмтлийг тогтоодог гэнэ. Гэтэл ингэж айлын ханыг эвдэн гэмтлийг олох явцад цэвэр усны төмөр шугам хоолойны оронд бохирын хар трубагаар орлуулсан болох нь мэдэгджээ. Тус барилгын хөрөнгө оруулагчаар  “ШҮНДИ”ХХК-ний гүйцэтгэх захирал Ван Сэн Тун болон уг барилгын гүйцэтгэлийг хийсэн “Зун Чен”ХХК-ний захирал Ван Шүэ Лин нартай холбон үздэг байна. Гэвч тэд хууль зөрчин ийнхүү  чанаргүй барисан барилгаа Тухайн үед уг чанаргүй орон сууцыг Улсын комисст хүлээлгэн өгөхөд Нийслэлийн мэргжлийн хяналтын газар хүлээн авсан бөгөөд тус комиссыг ахалж байсан нийслэлийн Барилга хот байгуулалт, төлөвлөлтийн газрын ерөнхий инженер асан  Ө.Сүхбаатар "Шүнди" ХХК-ийн захирал Ван Сэн Тонгоос 94 сая төгрөгийн үнэ бүхий гурван өрөө байр авсан аж. Гэвч иргэдийг хохироосон чанаргүй барилгын асуудал хууль хяналтын байгууллагаар шалгагдаж, улмаар Ө.Сүхбаатар  авилга авсан нь тогтоогдож,  таван жил гурван сарын хорих ял сонссоныг эс тооцвол хэргийн жинхэнэ эзэд хариуцлага хүлээгээгүй  гэнэ. “Шүнди”-ийн гэх тодотголтой уг хэрэг хэдэн жил дамнан хууль, хяналтын байгууллагаар явж байгаа ч хулхи чанаргүй барилгыг хууль зөрчин Улсын комисст хүлээлгэн өгсөн Хятад эзэд сул чөлөөтэй зорчиж, иргэдийн эрүүл мэндийг хохироосон гэм бурууг нь хуулийн байгууллага тогтоож өгөхгүй байсаар өнөөдрийг хүрсэн аж.  Мөн чанаргүй барилгаас гадна иргэдийн дийлэнх нь байрныхаа албан ёсны эзэмшигч нь болж чадаагүй гэнэ. Учир тус барилгыг хүлээн авсан Улсын комиссын буруутай үйлдлээс үүдэн уг барилга нийслэлийн Шүүхийн шийдвэр гүйцэтгэлийн албанд шилжсэн тул иргэд орон сууцны үнээ бүрэн төлж байж, ордероо авах эрхтэй байгаа аж. Гэтэл зарим иргэд нь зээлийн нөхцөлтэйгээр байрандаа орсон ч үлдэгдэлээ өг гэх тэдний шахалтад ордогоо нуусангүй. Ямартай ч, өгсөн нв бус авсан нь бурууддаг манай гаж тогтолцооноос үүдэн харийн нөхөд хүссэнээ хийж, дураараа дургидагийг нэг жишээ энэ бололтой. Гэсэн ч хэрэг хуучирдаггүй гэгчээр оршин суугчдыг эрүүл мэнд, эд хөрөнгөөр хохироосон энэ асуудал хаанаас эхэлсэн, хэн буруутай вэ, эцэс төгсгөлгүй үргэлжлэх хавтаст хэргүүд, хуулийн байгууллагууд хэрэг дээр хэрхэн ажилласан талаарх баримтуудыг бид  үргэлжлүүлэн мэдээлэх болно.   П.Наран