Шинэчлэлийн Засгийн газраас хэрэгжүүлж байгаа “Ажилтай орлоготой Монгол хүн” хөтөлбөрийн хүрээнд хөдөлмөрийн насны иргэдийг ажлын байраар хангах, мэргэжил, ур чадварт тохирох ажлын байр ажилд санал болгох, сул чөлөөтэй ажлын байранд зуучлах зорилгоор Хөдөлмөрийн төв биржээс "Job Cafe" буюу “Ажлын  хөтөч” хөдөлмөрийн аяныг өнөөдрөөс ирэх сарын 9-ний өдрийг хүртэл зохион байгуулах гэж байна. Аян Хөдөлмөрийн төв биржийн “Ажлын хөтөч” танхимд болох бөгөөд аяны хүрээнд Уул уурхай, зам барилга, хөдөө аж ахуй, эрчим хүч, мэдээлэл холбоо, боловсруулах үйлдвэр, худалдаа үйлчилгээний салбарт үйл ажиллаагаа явуулдаг ажил олгогчид хүрэлцэн ирж ажил хайгч иргэдийг ярилцлагын үндсэн дээр сонгон шалгаруулах аж. Н.Бүжин