Холливудын жүжигчин Риз Уизерспун болон түүний нөхөр цагдаагийн шаардлагыг биелүүлээгүйгээс болж  баривчлагджээ. Жүжигчин бүсгүй өнгөрөгч баасан гаригт  нөхрийнх нь жолоодож явсан  машиныг зогсоосон цагдаад “ Чи намайг хэн гэдгийг мэдэх үү” хэмээн “томорсноос” болж багагүй хэл аманд өртөөд байна. Ням гаригт тэрбээр пресс-релиз  гаргаж уучлалт хүссэн гэж “Ассошейтэд пресс” агентлаг мэдээлжээ. Түүний мэдэгдэлд “Би арай хэтрүүлээд уучихсан байсан юм шиг байна. Хэлсэн үгээ  бодохоор маш ичгүүртэй байна. Би нөхрийнхөө өмнөөс эмээсэн юм. Гэхдээ энэ зөвтгөх шалтгаан болохгүй л дээ” хэмээн дурьджээ. Д.Баясаа