Хятадын Жэцян мужийн Ханжоу хотод хүний эрхтэн наймаалдаг есөн хүнийг баривчилсныг “Синьхуа” агентлаг мэдээллээ. Эдгээр хүмүүс интернэт ашиглан бөөрөө худалдах  хүмүүсийг хайдаг бөгөөд эмнэлгийн үзлэгт оруулсны дараа  хөлсний байранд авчирч энэ газраа хагалгаа хийдэг байжээ. Эдгээр хүмүүс бүгд 30 хүрээгүй залуус байсан байна. Тэдний ярьснаар өөрсдөө бөөрөө зарсны дараа ийм бизнес эрхэлдэг болсон аж. Нэг бөөрнөөс 20 мянган юань нийтдээ 160 мянган юань буюу 25 мянган ам.долларын ашиг олсон байна. Гэвч энэ нэг хүн дээр яригдаж байгаа тоо юм. Залуусыг шоронд хоригдох ялаас гадна хууль бус орлогын татвар болох асар их мөнгөн торгууль хүлээж байна. Д.Баясаа