СЭМҮТ-ийн захирал асан, хүний гавьяат эмч Л.Эрдэнэбаяр өөрийнх нь нэр төрд халдсан ташаа мэдээлэл сүүлийн үед гарах болсон талаар залруулга хийв. Түүний тухай элдэв мэдээлэл өнгөрсөн нэгдүгээр сарын 8-нд Эрүүл мэндийн сайд Н.Удвал СЭМҮТ-д ажиллах үеэр эхэлсэн аж. Тэрээр тус төвийн хүүхдийн тасгийн их эмч Д.Энхтуяатай муудалцан зодсон хэмээн хэвлэлээр гарнаас хойш өнөөдрийг хүртэл өдөрт гурван удаа 21 хоногийн турш ташаа мэдээлэл гарсан гэнэ. Тухайлбал, хүүхэд төрүүлсэн асрагч нараас мөнгө авч ажилд нь оруулдаг, 17 хүнийг ажилд оруулна гэж тус бүрээс нь 1,8 сая төгрөг авсан, 30 гаруй эмчид сургалт явуулж клиникийн профессорын үнэмлэхийг 500 мянган төгрөгөөр үнэлдэг зэрэг мэдээлэл гарчээ. Иймээс энэ бүх худал мэдээллийг хууль хяналтын байгууллагад өгч шалгуулахаар болжээ.  Мөн хэвлэл мэдээллээр гарч байгаа шиг зүйл огт байхгүй энэ бол албан тушаалын төлөөх намайг чадах гэсэн хэсэг бүлэг хүмүүсийн явуулга хэмээн үзэж байгаа аж. Л.Эрдэнэбаяр нь эрүүл мэндийн байгууллагад 30 гаруй жил СЭМҮТ-ийн даргаар таван жил ажилласан бөгөөд эмчилгээний 25 арга нэвтрүүлж, 150 гаруй эрдэм шинжилгээний өгүүлэл гадаад болон дотоодод нийтлүүлж байсан ажилдаа үнэнч, туршлагатай эмнэлгийн ажилтан хэмээн салбарынхан нь дүгнэдэг гэнэ. Б.Сайнаа