АОХН-ий Сайд нарын VII бага хуралд Бүгд Найрамдах Солонгос Улсын Гадаад хэргийн дэд сайд Жу Тэ Ел тэргүүтэй төлөөлөгчид оролцсон бөгөөд хурлын үеэр БНСУ-ын Гадаад хэргийн дэд сайд Жу Тэ Ел Гадаад харилцааны сайд Л.Болдтой хоёр талын уулзалт хийж, хоёр орны харилцаа хамтын ажиллагаа, олон улс, бүс нутгийн харилцан сонирхсон асуудлаар санал солилцов. Жу Тэ Ел дэд сайд Монгол Улс АОХН-ийн бага хурлыг Улаанбаатар хотноо амжилттай зохион байгуулж байгаад баяр хүргэж хоёр орны харилцаа хамтын ажиллагааг улам гүнзгийрүүлэн хөгжүүлэхийн төлөө нягт хамтран ажиллана гэдгээ илэрхийлэв хэмээн ГХЯ-наас мэдээллээ.