Халдварт өвчин судлалын үндэсний төвийн  ДОХ,БЗДХ-ын тандалт судалгааны албанд өнгөрөгч долоо хоногт 982 хүн хандаж үйлчлүүсэнээс 607 нь урьдчилан сэргийлэх болон сайн дураараа хандсан байна. Нийт үйлчлүүлэгсдээс 74 нь БЗДХ-тай, илэрч эмчилгээ, хяналтанд орсон гэнэ. Харин тэдгээр иргэдээс ХДХВ-ын халдвартай гурван тохиодол шинээр илэрсэнийг хяналтанд авч, тандалтыг үргэлжлүүлж байгаа аж. Эдгээр хүмүүс 25-39 насны эрэгтэй хүмүүс бөгөөд одоогоор биеийн байдал нь хэвийн байна. Тэд ХДХВ-ийн халдвартай хэмээн бүртгэгдсэн албан ёсны дүнгээрээ 135, 136, 137 дахь тохиолдлууд болон бүртгэгдэж байгаа аж. Б.Сайнаа