Өнөөдөр Баянзүрх дүүргийн 11 дүгээр хороо, Их тэнгэр, Бага тэнгэрийн амны дунд ой хээрийн түймэр гарч байна гэсэн дуудлагыг 15.48 цагт Шуурхай удирдлагын 105 дугаарт иргэдээс ирсэн байна. Уг мэдээллийн дагуу Онцгой байдлын газар шуурхай арга хэмжээ авч,  Аврах, гал унтраах 14 дүгээр ангийн гал унтраах тасаг, нийслэлийн Аврах ангийн Эрэн хайх аврах салбарын бүлэг нийт 40 хүний бүрэлдэхүүнтэйгээр ажиллажээ. Гал унтраах албаныханыг очиход 3 га орчим талбай хамарсан уулын хөрсний өвс шатаж байсныг шуурхай ажиллаж бүрэн унтраажээ. Галын шалтгаан нөхцлийг тогтоохоор ажиллаж байгаа ба Нийслэлийн Онцгой байдлын газраас хуурайшилтын улирал эхэлсэнтэй холбогдуулан ой хээрийн түймрээс урьдчилан сэргийлэхийг сэрэмжлүүллээ.   П.Наран