ОХУ-ын ерөнхийлөгч В.Путин засгийн газартаа хөлбөмбөгийн домогт хамгаалагч Лев Яшиний тухай кино хийхийг үүрэг болгосныг Кремлийн хэвлэлийн алба мэдээлжээ. Кино 2018 онд Оросод болох дэлхийн хөлбөмбөгийн аварга шалгаруулах тэмцээний хүрээнд хийгдэж байгаа ажлын нэг аж. Лев Яшин 1954 оноос ЗХУ-ын шигшээ багийн бүрэлдэхүүнд тоглож байсан юм. ЗХУ-ын баг 1956 онд Мельбурнд олимпийн аварга болж байсан түүхтэй. Д.Баясаа