Өнгөрсөн баасан гаригт Холливудад олон тооны кино нээлтээ хийсэн билээ. Тэднээс найруулагч Тарсем Сингхийн бүтээл Immortals хэмээх кино бокс оффисын нэгдүгээр байранд хоёр долоо хоног тэргүүлсэн Puss in Boots буюу “Гуталт муур”-ыг ухрааж долоо хоногт олсон орлогоороо нэгдүгээр байранд жагсаж эхэллээ. Immortals кино ийнхүү нээлтээ хийсэн даруйдаа 32 сая долларын орлого олсон нь мэргэжилтнүүдийн анхаарлыг татаж байна. Бид удахгүй тус киноны талаар танилцуулах болно. Ингээд бокс оффисын шилдэг 10 киног сонирхоно уу.