Туркменистаны ерөнхийлөгч Гурбангул Бердымухамедовын  мориноос унасан бичлэг eurasianet.org сайтад тавигджээ. Бичлэгт барианд орсны дараа морь унаж ерөнхийлөгч дэргэд нь ухаангүй хэвтэж байгаа нь тод харагддаг аж. “ВВС”-д тус газар байсан нэгэн ярилцлага өгөхдөө “ Болсон явдлын дараа аймшигтай нам гүм болсон. Тэнд лавтай тав, зургаан мянган хүн байсан ч амьсгал ч сонсогдохоор чимээгүй болсон. Ерөнхийлөгч рүү хамгаалалтынхан гүйж 40 орчим минутын дараа тэр өөрийн биеэр гарч ирж инээмсэглэн мэндчилсэн” хэмээн ярьжээ. Уралдаан өнгөрөгч ням гаригт Туркмены морин уралдааны баярын өдөр болж гадаад, дотоодын олон сэтгүүлч ирсэн байна. Сэтгүүлчид болсон явдлын дараа бичлэгээ устгахыг шаардсан гэж ярьжээ. Д.Баясаа