Төрийн дээд цол, одон медаль хүртээв
Монгол Улсын Ерөнхийлөгч зарлиг гаргаж Дэлхийн хөдөлмөрчдийн өдөр, Дэлхийн байгаль хамгаалах өдрийг тохиолдуулан байгаль орчин, мал аж ахуй, хөдөө аж ахуй, соёл урлаг, нийтлэг үйлчилгээ, эрүүл мэнд, боловсролын салбарт олон жил үр бүтээлтэй ажилласан зарим хүнд төрийн дээд цол, одон медаль хүртээж гардуулан өгөв.
Монгол Улсын Байгаль орчны гавъяат ажилтан цолоор Байгалийн түүхийн музейн чихмэлийн мастер Долгорын Дагиймааг,
Монгол Улсын Гавъяат агрономич цолоор Хэнтий аймгийн “Шинжлэх ухаан, Хөдөө арал” компанийн агрономич Халтарын Жамъяндоржийг,
Монгол Улсын Гавъяат багш цолоор Хөгжим бүжгийн коллежийн цохиурт хөгжмийн багш Бат-Өлзийн Зоригтыг,
Монгол Улсын Гавъяат малчин цолоор Говьсүмбэр аймгийн Сүмбэр сумын малчин Содномын Батаа, Архангай аймгийн Өлзийт сумын Ямаат багийн малчин Чоймболын Цамба нарыг,
Монгол Улсын Гавъяат тээвэрчин цолоор Цахилгаан тээвэр ХК-ийнтроллейбусны жолооч Хултайн Жаргалсайханыг,
Монгол Улсын Соёлын гавъяат зүтгэлтэн цолоор Өмнөговь аймгийн Ханбогд сумын Соёлын төвийн эрхлэгч Ичинхоролын Нарангэрэлийг,
Монгол Улсын Гавъяат жүжигчин цолоор Монголын хараагүйчүүдийн үндэсний холбооны тэргүүлэгч гишүүн, ая зохиогч, дуучин Сономцэвээний Хүрэлбаатарыг,
Монгол Улсын Урлагийн гавъяат зүтгэлтэн цолоор Дорноговь аймгийн Саранхөхөө театрын ерөнхий найруулагч Нацагдоржийн Пүрэвдоржийг,
Монгол Улсын үйлчилгээний гавъяат ажилтан цолоор Ус сувгийн удирдах газрын засварчин Самбуугийн Батдэлгэр, Төр, засгийн үйлчилгээ, аж ахуйг эрхлэх газрын мужаан Раашийн Сайнбуян нарыг,
Монгол Улсын Хүний гавъяат эмч цолоор Сонгинохайрхан дүүргийн Хүүхдийн эмнэлгийн хүүхдийн их эмч Раашийн Батхишиг, Нэгдүгээр төрөх эмнэлгийн сэхээний тасгийн их эмч Чогсомын Содномпил нарыг тус тус шагналаа.Мөн Хэвлэлийн эрх чөлөөний өдөр болон Дэлхийн хөдөлмөрчдийн өдрийг тохиолдуулан эрүүл мэнд, боловсрол, соёл урлаг, хууль эрх зүй, батлан хамгаалах, аж үйлдвэр, хэвлэл мэдээллийн салбарт олон жил үр бүтээлтэй ажилласан дараах хүмүүсийг Монгол Улсын төрийн одон медалиар шагнав.
Хөдөлмөрийн гавъяаны улаан тугийн одонгоор “Говь” ХК-ийн засварчин Бадарчийн Бат-Очирыг,
Алтан гадас одонгоор “Шууд.эм.эн" сайтын сэтгүүлч Хээшигийн Ариунбаатарыг, Улаанбаатар чуулгын оёдолчин Даваадоржийн Дэлгэрмаа, Налайх дүүргийн дөрөвдүгээр хорооны иргэн, цаг уурын ахмад ажилтан Хожаханы Квадраш нарыг,
Цэргийн гавъяаны одонгоорУлсын Мөрдөн байцаах газрын эдийн засгийн гэмт хэрэг мөрлөх хэлтсийн дарга Халтарын Доржсүрэн, Хууль сахиулахын их сургуулийн ахлах багш Лувсанравдангийн Сангидорж нарыг,
Хөдөлмөрийн хүндэт медалиар Монгол шуудан ТӨХК-ийн үйлчилгээний хэлтэст хэвлэлийн худалдагч Аюушийн Нармандах, Эмгэг судлалын төвийн сантехникч Жалбуугийн Сүхбат, ТВ5 телевизийн олон улсын тоймч Баатарын Оюун нарыг,
Цэргийн хүндэт медалиар Зэвсэгт хүчний 337 дугаар ангидбагаж хэрэгсэл түгээгч-диспетчир Жанчивдоржийн Мөнхтуяа нарыг тус тус шагнав.
СЭТГЭГДЭЛ БИЧИХ