УИХ дахь МАН-ын бүлгийн хуралдаанаар 2012 оны төсвийн талаар хэлэлцжээ. Ирэх оны төсвийн  хөрөнгө оруулалтыг танах нь зөв гэсэн шийдвэрийг тус намын бүлэг гаргасан байна. Тэгэхдээ сургууль, цэцэрлэг, эмнэлгийн барилга, засвар үйлчилгээнээс бусад хөрөнгө оруулалтыг 2011 оны хэмжээнээс нэмэгдүүлэхгүй байхаар  болсон байна.  Мөн төрийн албан хаагчдын тоог нэмэгдүүлэхгүй байх үүднээс багш, эмч нараас бусад  орон тоо гаргахгүй байх шийдвэрт хүрсэн  байна.  Ингэснээр төрийн урсгал зардал нэлээн хэмжээгээр танагдана гэж тооцжээ.