Шударга өрсөлдөөн хэрэглэгчийн төлөө газраас нийслэлийн Чингэлтэй дүүргийн нутаг дэвсгэрт байрлах Урт цагааны гудамж, Бөмбөгөр худалдааны төвүүдийн гаднах талбайд жимс, хүнсний ногооны худалдаа иргэдийн бараа бүтээгдэхүүнд шалгалт хийсэн байна. Шалгалтаар БНХАУ-аас оруулж ирсэн өргөст хэмх, улаан лоолийг монгол хэмээн худалдаалж байгаа нийтлэг зөрчил илэрсэн байна. Энэ нь Хэрэглэгчийн эрхийг хамгаалах тухай хуулийн 12 дугаар зүйлийн 12.8-т “үйлдвэрлэгч, худалдагч, гүйцэтгэгчээс хэрэглэгчид бараа, ажил, үйлчилгээтэй холбоотой худал мэдээлэл өгөхийг хориглоно” гэсэн заалт, НИТХТ-ийн 2010 оны 198 дугаар тогтоолын 4 дүгээр зүйлийн 4.3-д “дүүргийн зөвшөөрөгдсөн цэгээс бусад нийтийн эзэмшлийн гудамж, талбайд ил задгай хүнсний болон барааны худалдаа /жимс, ногоо, шорлог, төрөл бүрийн машинт худалдаа, чингэлэгийн худалдаа/ эрхлэхийг хориглоно гэсэн заалтыг тус тус зөрчиж байгаа юм. Иймд ШӨХТГ-аас хэрэглэгчийн эрүүл мэндэд харшлах, тэднийг төөрөгдүүлсэн дээрхи үйл ажиллагааг таслан зогсоох талаар хууль тогтоомжоор хүлээсэн үүргээ биелүүлэх талаар Нийслэл, дүүргийн Засаг дарга нарт албан тоот хүргүүлсэн байна. Д.Цэцэг