Египетийн ерөнхий сайдын сууж явсан машины цуваа руу буудсаныг “ИТАР-ТАСС” агентлаг мэдээллээ. Каирын төвд болсон энэхүү хэргийг пикап маркийн машинтай явж байсан таван хүн үйлдсэн байна. Хамгаалалтынхан хариу гал нээсэн бөгөөд хожуу тэднийг баривчилжээ. Үзлэг хийхэд тэдний машинд зэвсэг байсан байна. Харин жолооч байцаалтад “Цуваанд орох гэсэн боловч цагдаагийнхан оруулаагүй тул зорчигчид нь бухимдаж буудсан. Хариуд нь хамгаалалтынхан агаарт буудаж сануулсан” хэмээн ярьжээ. Буудалцааны үеэр ерөнхий сайдын сууж явсан машин цуваанаас гарч холдон одсон бөгөөд сайд ямар нэг бэртэл гэмтэл аваагүй ажээ. Д.Баясаа