Дорноговь аймгийн Улаанбадрах сумын малчин Д.Норсүрэнгийн 22 тугал өнгөрсөн гуравдугаар сард гэнэт үхсэн. Үхсэн тугалнуудад мал эмнэлэг, лабораторийн хийсэн шинжилгээгээр "цацрагийн хордлогоос болж, тугалнууд эндсэн" гэх дүгнэлт гарсан билээ. Энэ асуудлын дараа Ерөнхий сайд Н.Алтанхуяг тус нутагт ажлын хэсэг гаргасан. Харин ажлын хэсгийнхэн шаардлага хангахгүй дүгнэлт гаргаса талаар нутгийн иргэд өнөөдөр мэдээлэл хийлээ. Тэд хэлэхдээ " Ажлын хэсгийнхэн тугалнуудыг цаг бусаар хорогдсон. Цацраг, уран, халдварт өвчнөөс болоогүй селен, зэс, сульманын хордлого байх магадлалтай" гэсэн таамагласан дүгнэлт гаргасан. Үүнээс харахад, Засгийн газар цөмийн энергийн үйл ажиллаааг гүйцэд хянаж чадахгүй байна. Ийм нөхцөлд ураны хайгуул, туршилтын олборлолт, шар нунтаг үйлдвэрлэл зэргийг таслан зогсоох хэрэгтэй. Мөн цацраг эрдсийн хайгуул, ашиглалтын лицензийг хүчингүй болгох хэрэгтэй" хэмээн ярьсан юм. Дашрамд дурдахад, манай улсын хэмжээнд Дорнод, Сүхбаатар, Дорноговь, Дундговь зэрэг дөрвөн аймгийн нэр бүхий сумдад уран олборлох лиценз олгосон байна. Б.Аянга