ИЗНН-ын Иргэний Зориг жигүүрийн гишүүд ИЗНН-ын гишүүнчлэлээс албан ёсоор татгалзаж, намаасаа гарч байгаагаа мэдэгдэж хэвлэлийн хурал хийлээ. Хэвлэлийн хуралд Иргэдийн шударга шүүх ТББ-ын тэргүүн, тус намын дотоод ажил хариуцсан дэд дарга М.Бат-Ялалт тэргүүтэй хэдэн гишүүн ИЗНН-аас гарч байгаагаа мэдэгдэж хэвлэлийн бага хурал хийж байна. Тэд хэлэхдээ "Өнөөдөр ИЗНН-ын хэдэн гишүүн намаасаа гарч байгаа гэдэг нь чухал биш. Үнэндээ энэ намын төв офисст ИЗНН-ыг хэдэн гишүүнтэйг мэдэх хүн нэг  удирдлага байхгүй. ИЗНН Монголд шаардлагагүй улс төрийн хүчин гэдгээ харуулж байна. Өнгөрсөн найман сарын хугацаанд бид энэ намыг шинэчлэх гэж жигүүр байгуулан ажиллаж үзлээ. Гэвч ИЗНН бол нам биш. Үзэлбраимтлал итгэл үнэмшилгүй хуйвалдааны зарчмаар ажлаа явуулдаг бүлэглэл юм байна. Нэг хүний сайд, гишүүн байлгахын төлөө гишүүд нь төрийн албанд ажилд хуваарилагддаг. Намын дарга нь зөвхөн Би гэдэг үгийг онцолж ярьдаг. Хэзэ ч нам шиг нэгдсэн бодлого баримталж чадахгүй өнөөдрийг хүрлээ" хэмээн мэдэгдэв.

Мөн энэ үеэр тэд цаашид аливаа эх оронч, шударга иргэдтэй эв санаагаа нэгтгэн Монгол хүний төлөө, Монгол газар шорооныхоо төлөө, Эх орны төлөө тууштай тэмцэхээ мэдэгдэж, “Нэг Монгол” хөдөлгөөн үүсгэн багйуулж байгаагаа мэдэгдлээ.

П.Наран