Хилийн 0131 дүгээр ангийн Хилийн тагнуулын тасгийн дарга, хошууч А.Сумъяагаар ахлуулсан тусгай томилгоот бүлэг энэ сарын 5-ны өдөр архидан согтуурсаны улмаас төөрч улсын хил зөрчсөн байж болзошгүй БНХАУ-ын иргэн Чэнь Хай Лиань /Монгол нэр нь Цэнгэл/-ийг илрүүлэн саатууллаа.

Бүлэг мөрдөлт хийж, хил зөрчигчийн орж ирсэн чиглэл, явсан замнал, хугацааг шалган тогтоож, биед болон эд зүйлд үзлэг хийж протокол үйлдэн хилийн зөрчлийг шалгаж дууссан байна.Улмаар түүнийг энэ сарын 6-ны өдрийн 11.25-16.00 цагийн хооронд хилийн төлөөлөгчийн туслахын хэмжээний уулзалт хийж Хятадын талд хүлээлгэн өгсөн байна.

Мөн хилийн 0108 дугаар ангийн Төмөр замын шалган нэвтрүүлэх боомтоор энэ сарын 6-ны өдрийн Эрээн-Замын-Үүд орох чиглэлийн 685 дугаар галт тэргэнд ГИХАЭА-ны 2008 оны арванхоёрдугаар сарын 15-ны өдрийн 419 тоотоор Монгол Улсад орохыг хориглосон БНХАУ-ын иргэн Chen Jianwu зорчин явсныг хилчин шалгагч, ахлагч Н.Урантуяа илрүүлэн саатуулжээ.

Б.Аянга