Их хэнгэргээн дэлдэж гэдэг шиг.... АН их хурлаа хийж хийж ҮЗХ-ныхоо шийдвэрийг баталгаажуулж байна. 100 хувийн саналыг орон даяар дахин гараа өргөж баталгаажуулна гэсэн энэ үг.

Ц.Элбэгдоржийг орон даяар дэмжинэ гэсэнтэй агаар нэгэн сонсогдож байгаа сурталчилгааны том эхлэл. Олон жил өөр хооорондоо хийлцдэг, жийлцдэг гэгддэг байсан АН-ынхан энэ сонгуулиас алдаагаа давтахаа байсан ТОМ хүүхдүүд болсноо олон нийтэд  харуулж сонгуулийн аянаа эхлүүлж байх шиг байна.

Бүлэг хоорондын лидерүүдийн амбицаасаа ашиглуулж олон жил АХ нарынхаа бэлэглэсэн цагиргийг эргүүлсээр унаж тусаж явсан сургамжаа мартаагүй байгаа юм байна.

6

Харин МАН бараг л анх удаагаа дотоод ардчиллыг бий болгож байгаагаа харуулж, ардчилсан зарчмаар нууц санал хурааж, 50/50 хувь+9 өөр нэр дэвшигчээ тодруулсан. Энэ нь цаашдын намынх нь цус цэвэршиж дотоод ардчиллынх нь рейтинг өсөхөд мэдээж ач холбогдолтой алхам.

Харин сонгуулийн тактик талаасаа бол зарим хасах оноог нэр дэвшигчдээ авчирлаа. Нэр дэвшүүлэх ажиллагаа бол нэр дэвшигчийн хувьд хамгийн эхний, хамгийн том сурталчилгаа, цаашдын амжилт гаргах том фон болж өгдөг.

Энэ талаасаа бол Б.Бат-Эрдэнэ аварга нам дотроо лав хүнд гарч ирлээ гэсэн бодол олон нийтэд төрсөн нь МАН ын хувьд нөгөө 100 хувьтай гарч ирсэн нэр дэвшигчээс нэлээд хэдэн алхмын хойно өөрийн хүнээ зогсоож байгаа хэрэг.

6

Одоо үлдсэн бага хугацаанд МАН хоцорсон зайгаа шахах, бүдүүн тоймын бөх хүн улс төрийн тавцанд амжихгүй, уул уурхайг хааж улсаа мухардалд оруулах нь гэх мэт олон сөрөг үг санаа, эргэлзээг сарниулах, мөрийн хөтөлбөрөө амилуулах гээд амьсгаа авах завгүй ажиллах хэрэгтэй болж байна.

Удахгүй Ерөнхийлөгчийн сунгаанд тоос нэмэх нөхөд ч тодорно. Нэг нэмэх оноогоо баталгаажуулж АН нам Их хурлаа хийж байна.

6

П.Баярхүү