
Хар тамхины хэргээр шалгагдаж байсан “Дижитал” хамтлагийн ахлагч асан Баавар өнөөдөр эмнэлгээс гарчээ. Түүний биеийн байдал сайжирсан учир ар гэрийнхэн нь өнөөдөр түүнийг эмнэлгээс гаргажээ.
Тэрбээр өнгөрсөн гуравдугаар сарын 25-нд ШШГЕГ-ын харьяа цагдан хорих 461 дүгээр ангийн тусгай камерт саатуулагдаж байх үедээ түлэгдэж, “Мөнгөн гүүр” эмнэлэгт хүргэгдэн ирж эмчлүүлж байсан юм. Тиймээс түүний хэргийг шүүхээс тодорхойгүй хугацаагаа хойшлуулсан. Харин одоо түүний биеийн байдал сайжирсан тул түүний хэргийг сэргээн шалгана хэмээн эх сурвалж мэдээллээ.
Хэрэв түүнийг гэм буруутай нь шүүхээр тогтоогдвол 10-15 жил хүртэл хугацаагаар хорих ялаар шийтгүүлж магадгүй аж.
Б.Аянга
СЭТГЭГДЭЛ БИЧИХ