УИХ-ын өнөөдрийн нэгдсэн чуулган 10.00 цагт эхэлсэн. Хуралдаанаар хэлэлцэх асуудлыг батлах үеэр МАН-ын бүлгийн дарга Н.Энхболд УИХ-ын дэд даргыг сонгох асуудлыг хойшлуулах хүсэлт тавьсан юм. Тэрбээр "Хоёр шинэ гишүүний тангараг өргүүлэх асуудлыг эхлээд шийдсэн нь зөв. Үүний дараа дэд даргын асуудлыг хэлэлцье гэсэн саналтай байна. Хэрэв хүлээж авахгүй гэвэл манай бүлэг гурав хоногийн завсарлага авъя" гэв. Гэсэн ч энэ хүсэлтийг нь УИХ-ын дарга З.Энхболд хүлээж авсангүй” Ингээд УИХ-ын дэд даргаар Р.Гончигдоржийг томилох санал хураалт болоход гишүүдийн олонхи дэмжлээ. Улмаар УИХ-ын дэд даргаар Р.Гончигдоржийг томилсон тухай УИХ-ын тогтоолыг УИХ-ын дарга З.Энхболд уншиж танилцууллаа. Д.Цэцэг