Олуулаа болж ирээд барьцаалж өгч байна АН. Манай Д.Зоригтыг оруулаад ир тэгвэл Д.Сумьяабазарыг чинь тангараг өргүүлнэ гээд суучихаж. Урьд нь Н.Төмөрхүүгээ  Батхүүгээр “тулаад” хулхидуулсан МАН дахиж дээрэлхүүлэхийг хүсэхгүй байгаа нь ойлгомжтой. 2012 оны сонгуулиар цөөнгүй суудлаар дангаараа Засгийн газраа бүрдүүлэх  боломж нь хаагдсан АН хэрүүлийн алим болгож үлдээсэн хэдэн тойргийг бүгдийг өөрсдөдөө авахаар ил далд элдэв арга саам хэрэглэсээр ирлээ.

Маргаантай тойрог, дахин сонгуулийн тойрог гэх мэт  нэршлүүд нь одоо барьцааны гишүүд гэсэн теорын шинжтэй нэр зүүгээд байна. Өнөөх иргэдийн сонголт алдагдахгүй байх, хууль дээдлэх зэрэг ардчилсан зарчмууд нь ч АН-ынханд яамай болсон бололтой. Хамгийн сүүлийн мэдээгээр тус намын бүлгийн гишүүдийн хувьд өмнөх байр сууриа хэвээр хадгалах шийдвэрт хүрсэн гэнэ.

.

УИХ-ын сонгуулийн 26 дугаар тойрогт нэр дэвшин өрсөлдөж олонхийн санал авсан Д.Сумъяабазарыг УИХ-ын гишүүний тангараг өргүүлэх бол УИХ-ын сонгуулийн 10 дугаар тойрогт өрсөлдсөн Д.Зоригтыг мөн нэгэн зэрэг тангараг өргүүлэх  ёстой. Хэрвээ МАН-ын бүлэг зөвшөөрөхгүй бол хоёуланг нь тангараг өргүүлэх боломжгүй” хэмээн санал нэгджээ.

Энэ шийдвэрээр бол өнөөдөр дахиад л гацаа үргэлжлэх нь. Ерөнхий сайдыг огцруулах МАН-ын үндэслэлүүдийн дунд Г.Батхүүг, С.Чинзоригийн хамт тангараг өргүүлэхээр тохирсон тохирооноосоо ухарсан  гэсэн гомдол тавьсан нь  ах дүү хоёр нам нийлж үгсэн хууль зөрчиж гишүүдийн суудлаар наймаалцсан болохыг тодорхой болгосон.

.

Энэ алдаан дээр нь одоо АН тоглолт хийж дараа дараагийн  шинэ  барьцаалбарыг гарган ирж төрийн ажилд гацаа үүсгэх боллоо. Д.Сумъяабазар, С.Чинзориг гэсэн эрхмүүд хэзээ ямар тохирооны эцэст олонхийн барьцаанаас суллагдахыг бид таашгүй болоод байна.

Өвөрхангай болон 26 тойргийн сонгогчид энэ наймааг зөвшөөрсөндөө дуугүй хараад байгаа биш ерөөсөө сонгууль өгөх гэдэг утгагүй юм байна, төлөөллийн ардчилал гэж юм энэ төрийн үед лав байхгүй болсон байна гэж ойлгосон болохоор “хэлэх үг алга” гээд сууж байгаа юм.  Ард түмэн АН-ыг харж байна. Хууль ёсыг дээдэлсэн ардчилсан нийгэмд АН -нь төр барьж байхад юу болоод байгааг харж байна, бас гайхаж байна.