Өнөөдөр ихэнх нутгаар үүлэрхэг. Төвийн нутгийн зарим газраар хур тунадас орно. Бусад нутгаар хур тунадас орохгүй. Салхи баруун зүгийн нутгаар баруун хойноос, зүүн зүгийн нутгаар зүүн өмнөөс секундэд 6-11 метр, төв болон говийн нутгийн зарим газраар баруун өмнөөс хойш эргэж секундэд 18-20 метр хүрч ширүүснэ. Сэрүүсч Алтай, Хангай, Хөвсгөлийн уулархаг нутгаар 4-9 градус, говийн нутгийн өмнөд хэсгээр 22-27 градус, бусад нутгаар 16-21 градус дулаан байна. Баянхонгор, Өвөрхангайн өмнөд хэсэг, Өмнөговь, Дундговийн нутгаар салхи секундэд 18-20 метр хүрч ширүүснэ хэмээн Ус цаг уур орчны шинжилгээний газраас мэдээллээ. Харин Улаанбаатар хотод үүлшинэ, хур тунадас орно. Салхи  баруун өмнөөс хойш эргэж секундэд 12-14 метр хүрч ширүүсч, 17-19 градус дулаан байх аж.