Энэ оны эхний дөрвөн сард манай улсад аюулт үзэгдэл, осол 1555 удаа гарсны улмаас 45 хүн амь насаа алдаж, 231.6 мянган толгой мал, амьтан хорогдсон талаар Үндэсний статистикийн газраас мэдээллээ. Энэ хугацаанд объектын түймэр 1426 удаа, ой, хээрийн түймэр 35, мал, амьтны  халдварт галзуу өвчин 30, 3.5-аас дээш магнитудын газар хөдлөлт 22, үерийн аюулт үзэгдэл, гол, нуурын усанд хүн унасан осол тус бүр 9  удаа, химийн хорт бодисын алдагдалтай холбоотой ослын дуудлага, бичил уурхайн нурангины осол тус бүр 5 удаа, хүчтэй салхи шуурга, тэсэрч дэлбэрэх бодисын осол тус бүр 3 удаа, үхрийн хорт салст халуурал өвчин, сум галт хэрэгслийн осол тус бүр 2 удаа бүртгэгджээ. Аюулт үзэгдэл, ослын улмаас объектын түймэрт 5.5 тэрбум, хүчтэй салхи шуурганд 420.1 сая, ой, хээрийн түймэрт 19.5 сая, мал, амьтны халдварт галзуу өвчинд 12.5 сая, тэсэрч дэлбэрэх бодисын осолд 3.2 сая төгрөгийн хохирол иргэн, байгууллагад учирсан байна. Д.Цэцэг