Дэлхийн хэвлэл мэдээллийн томоохон агентлаг  “Ассошиэйтед пресс”-ийн сэтгүүлчдийн утасны яриаг хоёр сарын турш чагнаж байсан гэж тус байгууллагын ерөнхийлөгч Гэри Пруитт хэлжээ. Тэрбээр засаг захиргааны явуулж байгаа бодлогыг буруушаан ийм эрх байхгүй гэж мэдэгдсэн байна.

Америкийн засаг захиргаа ямар үндэслэлээр утасны ярианы бичлэгийг авсан тухай тодорхой мэдээлэл өгөөгүй ч 2012 оны тавдугаар сарын 7-ны өдрийн мэдээлэлтэй холбоотой байх гэж таамаглаж байгаа аж. Тэр үед “АП” Йеменд явуулсан Тагнуулын ерөнхий газрын  ажиллагааны тухай детальчлан мэдээлж байсан юм. Д.Нараа