Өнгөрөгч баасан гаригт УИХ-ын гишүүний тангарагаа өргөсөн Д.Зоригтыг эсэргүүцэж Өвөрхангай аймгийн зарим иргэд сонгогчид өнөөдөр эсэргүүцлийн жагсаал хийх гэж байна. Тэд Г.Батхүү, Д.Зоригт нарыг хууль зөрчиж гишүүн болсон хэмээн үзэж ийнхүү жагсаал хийхээр болжээ. Жагсаал өнөөдөр Өвөрхангай аймгийн Арвайхээр хотноо 15.00 цагт эхэлнэ. Сонирхуулахад, Өвөрхангай аймгийн зарим иргэд сонгогчид хамтран түр хороо байгуулжээ. Тэд түр хороогоор хууль зөрчиж гишүүн болсон дээрх хоёр гишүүнийг бүрэн эрхээс нь эргүүлэн татах хүртэл үйл ажиллагаа явуулах юм байна. Б.Аянга