Нийслэлийн Баянзүрх дүүргийн Цагдаагийн хэлтэс болон Онцгой байдлын хэлтсээс ирүүлсэн мэдээллийн дагуу “Траст трейд” ХХК-ийн мах, махан бүтээгдэхүүний үйлдвэрт Нийслэлийн мэргэжлийн хяналтын газраас шалгалт хийжээ. Энэ сарын 03-ны өдөр тус компаний засварчин хөргөлтийн төхөөрөмжинд хийн гагнуур ашиглаж засвар хийж байх явцад нь хөргөлтийн төхөөрөмж дэлбэрч хажууд нь байсан харуул хамгаалалтын ажилтан, засварчин түлэгдэн эмнэлэгт хүргэгдэн эмчлүүлж байгаа. Тус компаний 150 тонны багтаамж бүхий 2 хөргөлттэй агуулахад гал гарсны улмаас мэдрэхүйн үнэлгээгээр хүнсний хэрэглээнд тохирохгүй болсон 33005.5 кг буюу 152753.1 мянган төгрөгийн үнэ бүхий 8 нэр төрлийн хүнсний түүхий эд, бүтээгдэхүүнд  улсын байцаагчийн акт тогтоож, Нийслэлийн Засаг даргын дэргэдэх захиргааны журмаар хураагдсан эд зүйлсийг улсын орлого болгох, үнэлэх, устгах үүрэг бүхий орон тооны бус зөвлөлийн устгалын комиссын бүрэлдэхүүнтэйгээр Улаан чулуутын хогийн цэгт устгал явуулсан байна. Д.Цэцэг