"Хурдан морь унаач хүүхдийн хамгаалал-2013" зөвшилцөх уулзалт Төрийн ордонд яг одоо болж байна. Уулзалтаар хурдан морь унаач хүүхдийн амь нас, аюулгүй байдлыг хамгаалах, хурдан морь унаж уралдах хүүхдийн хүсэл эрмэлзлийг зөв, ухаалаг дэмжих, хүүхдийн сурч боловсрох эрхийг хангах, хүүхдийг хөдөлмөрийн мөлжлөгөөс сэргийлэх зорилгоор хүүхдийн өмнө үүрэг хүлээсэн нийгмийн талуудын ойлголт, хандлага, байр суурийг нэгтгэн хурдан морь унаач хүүхдийн эрх ашгийг хамгаалах асуудлаар ярилцаж байгаа аж. Уулзалтад Хүн амын хөгжил, нийгмийн хамгааллын яам, Соёл, спорт аялал жуулчлалын яам, Эрүүл мэндийн яам, Хөдөлмөрийн яам, Үйлдвэр, хөдөө аж ахуйн яам, Батлан хамгаалах яамнаас төлөөлөгч оролцож байна. Мөн УИХ-ын эмэгтэй гишүүдийн бүлэг, Үндэсний их баяр наадмыг зохион байгуулах хороо, Хурдан морины салбар комисс, Нийслэлийн ЗДТГ, Хүний эрхийн үндэсний комисс, Цагдаагийн ерөнхий газар, Стандартчилал, хэмжил зүйн газар, Морин спорт уяачдын холбооноос оролцож байна. Б.Одон