АНУ-ын шүүх Америкийн иргэн, гэр бүлийн хоёрт “Женерал Моторс” концернийн технологийг хулгай хийсэн хэрэгт буруутгаж хорих ял ногдуулжээ. Тус концернийн инженерээр ажиллаж байсан Саньшань Ду Детройтын “General Motors”-ын салбарт ажиллаж байхдаа 16 мянган бичиг баримтыг хувилан авсны 20 нь нууцын зэрэглэлтэй байжээ.   Түүнийг халах тушаал гарснаас тав хоногийн дараа ийм үйлдэл хийсэн байна. Саньшаны нөхөр Юй Цинь дээрх бичиг баримтыг өрсөлдөгч компани болох Хятадын “Chery” автомашины үйлдвэрийн компанид дамжуулахыг завджээ.   Хэрэг нь нотлогдсон 54 настай Саньшань Ду нэг жил нэг өдрийн, нөхөр нь болох 52 настай Юй Цинь гурван жилийн хорих ялаар шийтгүүлсэн байна. Үүнээс гадна 40 мянган ам.долларын торгууль ногдуулж хорих ялыг эдэлж дуусгасны дараа жилийн турш хараа хяналтад байх аж. Д.Од