Чингэлтэй дүүргийн  нутаг дэвсгэр буюу Баянбүрдийн аюулгүйн тойрог орчимд өнөөдөр өглөө найман машин мөргөлдсөн томоохон осол гарчээ.  Ослын дуудлага өглөөний 08.50 цагт Замын цагдаагийн газарт ирсэн аж. Бетон зуурмагийн хоёр машин, өөр хэд хэдэн суудлын тэрэг мөргөлдсөн томоохон ослын улмаас азаар хүний амь нас хохироогүй гэнэ. Эх сурвалжийн мэдээлснээр “Оргил зуурмаг”  компанийн Хуандай маркийн бетон зуурмагийн машинаас уг осол эхтэй бөгөөд  нэг зуурмагийн машин нь гэнэт тоормозгүй болсон аж. Ослын шалтгаан, хохирлын хэмжээг тодорхойлохоор Замын цагдаагийн газар холбогдох албаныхан шалгаж байна.   Б.Сайнаа