.

Харин нам нь анх удаа эмэгтэй нэр дэвшигч гаргасан гэдэг ялгарал дээрээ өвөрмөц сурталчилгаа хийхээр хөдөлж эхэлсэн бололтой. Энэ удаагийн сонгуульд МАХН-ын сонгуулийн “Пи Ар”-ыг яруу найрагч Б.Галсансүх хариуцан ажиллахаар болсон гэнэ.

Чи хийсэн кино бүхэнд Мөнгө гэдэг үг орох ёстой гэж чанга дуугаар хэлсэн.

.

Мөнгө гэсэн үгтэй киног хүмүүс Мөн чих үзэж байна

...гэж бурхантай мөчөөрхөж зөвлөгөө өгдөг энэ эр МАХН-ын нэр дэвшигч Н.Удвалд ямар зөвлөгөө өгч байгааг бүү мэд. Урьд 2008 оны сонгуульд С.Баярын сонгуулийн багт ажиллаж явсан туршлагатай энэ пиарчин  Н.Удвалыг гэсэн сэтгэлтэй сонгогчдын урмыг хугалахгүй байх.

.

Үүний нөгөө талд МАН-ын сонгуулийн “Пи Ар”-ыг мөн л яруу найрагч Ж.Мөнхбат хариуцахаар болсон гэнэ. Сонгуульд өрсөлдөж ялагдахын гашуун амтыг саяхан мэдэрсэн яруу найрагч улстөрч.

Сүүдрээ дэвсэж элгэнд чинь нойрсохдоо

Сүнс минь танаар л дутна, Эх орон минь ээ

...гэж шүлэглэсэн энэ яруу найрагч, улстөрч маань Б.Бат-Эрдэнэ аваргыгаа 30 хоног ямар замаар өгсүүлж оргилд гаргах уу, бэлд үлдээх үү гэдгийг  бид харах нь.

.

МАН, МАХН хоёр “Пи Ар”-аа яруу найрагч эрхмүүдэд хоёулаа даатгаж. Угшил нэгтэй намуудын хувьд санаж сэдэж, харж бодож байгаа нь ч адил санагдана. Ер нь яруу найрагчдын сэтгэлгээний тулаан өрнөнө гэхэд хилсдэхгүй биз ээ. Үнэхээр модернист сонгууль болох ч юм билүү хэн мэдлээ.

.

АН-ын “Пи Ар”-ыг хэн хариуцах нь тодроогүй ч Ерөнхийлөгчийн зөвлөх А.Ганбаатар, намын генсек Ц.Оюундарь гээд чадвартай залуусын нэр дуулдаж байна. Ц.Элбэгдорж ерөнхийлөгч нэлээн хол харсан сонголтоор пиарчинаа гаргаж ирсэн байгаа биз ээ.

.

Ийн нэр дэвшигчийнхээ бүхий л имиж ялгарал давуу талыг бүрдүүлж өгөх пиарчин яруу найрагчид, том тактикч намын дарга улстөрчидтэй нийлж хүнээ ялуулахын төлөөх ганц зорилгын дор зогслоо. Шударга сонгууль явуулж дуусгаж чадна гэж СЕХ өчигдөр сонин хэвлэлд амласан байна лээ. Харин соёлтой үнэн үгийн салхитай сонгууль болохыг эрхэм пиарчид даана биз дээ.

.

П.Баярхүү /тоймч/