Байгаль хамгаалал, экологийн мэргэжилтэн С.Билгүүтэй гэх залуу Ерөнхийлөгч Ц.Элбэгдоржийн баримталж буй байгаль орчны бодлогыг дэмжиж буйгаа илэрхийлж 500 км алхахаар болжээ. Тэрбээр Монгол ньюс мэдээллийн төвд мэдээлэл хийж яагаад ингэж алхах болсон тухайгаа тайлбарласан.  Түүний хэлж буйгаар “Би 1990 оны цагаан морин жил төрсөн. Ардчилал шударга ёс ялсан тэр л цаг үед төрсөн учраас ардчилалын тэргүүнд алхаж явсан Монгол Улсын ерөнхийлөгч Ц.Элбэгдоржийг дэмжихийг хүссэн. Би эрх чөлөөтэй иргэн, миний санаачлага улс төрийн зорилгогүй зөвхөн өөрийн үзэл бодлоо л илэрхийлж байна. Миний аялал маргааш буюу тавдугаар сарын 25-ны өдрийн морин цагт 22-ын товчооноос эхлэнэ. Дархан, Эрдэнэтийн замыг сонгон алхах замддаа монгол ахан дүүстэйгээ уулзаж, залуусын үзэл бодлыг сонсоно. Улмаар залуучуудын санаа бодлыг нэгтгэн ерөнхийлөгч Ц.Элбэгдоржид өргөн барина. Надтай хамт алхах залуучууд байвал энэхүү санаачлагад нэгдэх боломжтой. Аялал маань ирэх зургадугаар сарын 25 –нд өндөрлөнө” гэлээ. Б.Сайнаа