Сүхбаатар дүүргийн IV хороонд үйл ажиллагаа явуулдаг “Кореа” солонгос ресторанаар үйлчлүүлсэн 10 хүн энэ сарын 20-нд хоолны хордлогод орж дөрөв нь эмнэлэгт хүргэгдсэн байна. Өвчтнүүд ХӨСҮТ-д хэвтэн эмчлүүлж байгаа юм байна. Өвчтнүүдийн биеийн байдал хүндэвтэр, хордлогын шинжтэй байгаа тул аж. Шинжилгээний хариу одоогоо гараагүй бөгөөд хоолны хордлого гэсэн урьдчилсан дүгнэлт гарсан учраас  тус рестораны хоол, гал тогооны эдлэл хэрэглэлээс авсан арчдас, ажилчдын нян тээгч илрүүлэх шинжилгээ, өвчтнүүдийн өтгөн, бөөлжис цусны шинжилгээний дүнг үндэслэн ямар шалтгаанаас хордсоныг илрүүлэх боломжтой ажээ. Б.Одон