ХБНГУ-д Элчин сайдаар сууж буй Б.Даваадорж мөнгө угаасан хэрэгт нэр нь холбогдоод байна. Түүний данс руу манай улсын нөлөө бүхий дөрвөн өндөр албан тушаалтан 201 мянган еврог таван удаагийн үйлдлээр шилжүүлснийг Германы хууль хяналтынхан тогтоосон байна. Тус улсын хуулийн дагуу түүнийг баривчлан саатуулах ёстой боловч дипломат эрх нь уг хэргийг шалгахад хүндрэл учруулж байгаа гэнэ. Түүнтэй хамт тус улсад манай улсын төрийн өндөр албан тушаал хашдаг дөрвөн ч хүн шалгуулж байгаа  аж. Түүнчлэн Б.Даваадоржийн данс руу таван удаагийн үйлдлээр 201 мянган евро шилжүүлсэн дөрвөн эрхэм хэн бэ гэдэг нь анхаарал татаж байгаа юм. Энэ хэрэгт одоогоор Гадаад харилцааны яамнаас тодорхой тайлбар өгөөгүй байна. Д.Цэцэг