Төв аймгийн Батсүмбэр сумын нутаг дэвсгэрт үйл ажиллагаа явуулдаг шатахуун түгээх станцын ажилтныг дээрэмдэн буудаж хөнөөсөн   хэрэг гарсан талаар бид мэдээлсэн. Эх сурвалжийн мэдээллээр  гэмт этгээд шатахуун түгээх станцын ажилтныг хөнөөгөөд гурван сая төгрөг дээрэмдэж хэргийн газраас зугтжээ. Уг мэдээллийг тус аймгийн Цагдаагийн хэлтсийн дарга хурандаа н.Болдбаатараас утсаар тодрууллаа. -Танай аймгийн нутаг дэвсгэрт үйл ажиллагаа явуулдаг ШТС-ын ажилтныг хөнөөсөн хэрэгтэн баригдсан уу? -Эрэн сурвалжлах ажлыг үргэлжлүүлж байна. Яг одоогоор ШТС-ыг дээрэмдэж хүний аминд хүрсэн хэрэгт сэжигтнээр тооцон хэн нэгнийг саатуулаагүй. -Хохирогч ямар хүн бэ? - Хохирогч 30 настай эмэгтэй. Одоогоор хэргийг шалгаж байгаа учраас илүү дэлгэрэнгүй мэдээлэл өгөх боломжгүй. Н.Түвшин