Ховд аймгийн шүүх, прокурор, өмгөөлөх байгууллагын хамтын ажиллагааг сайжруулах, хэрэг бүртгэх, мөрдөн байцаах болон эрүүгийн хэргийг шүүхээр хянан шийдвэрлэхэд гарч буй хүндрэл бэрхшээлийг арилгах зорилгоор тус аймгийн прокурорын газраас шүүх, прокурор, өмгөөлөх байгууллагын хамтарсан зөвлөгөөнийг 2011 оны 11 дүгээр сарын 17-ны өдөр зохион явуулсан бөгөөд зөвлөгөөнөөр
-Шүүх хурлын менежмент, дэг журам, шүүх хуралдааны ажиллагааны хэмжээ хязгаар, хэргийн талаар нотолбол зохих зүйлүүд, түүнийг хэрхэн үнэлж байгаа талаар;
-Эрүүгийн хуулийн тусгай ангийн 126, 145, 215 дугаар зүйлд заасан гэмт хэрэг үйлдсэн этгээдэд оногдуулж буй ялын бодлогын талаар;
-Мөрдөн байцаалтын ажиллагаа удааширсан болон түдгэлзээтэй байсан хэргүүдийг сэргээн шүүхээр шийдвэрлүүлэх талаар хамтран ажиллах;
-Шүүхээс шийтгэх тогтоол, магадлал, ял шийтгэлийн тэмдэглэл зэргийг холбогдох байгууллага албан тушаалтанд хууль, журамд заасан хугацаанд хүргүүлж байгаа талаар;
-Эрүүгийн хэргийг шүүхээр хянан шийдвэрлүүлэхэд улсын яллагчаас хэрэгжүүлж буй эрх үүргийн талаар;
-Өмгөөлөх байгууллагатай хамтран ажиллах зэрэг 6 асуудлыг дэвшүүлэн хэлэлцүүллээ.
Хамтарсан зөвлөгөөнөөс гарсан шийдвэрийг хэрэгжүүлж ажиллах талаар талууд тохиролцож зөвлөгөөний дараа спортын 2 төрлийн арга хэмжээ зохион байгуулжээ.
СЭТГЭГДЭЛ БИЧИХ