Төрийн хошой шагналт хөгжмийн зохиолч Н.Жанцанноровын нэрэмжит “Хэн сайн хуурдах вэ” уралдаан Японы Токио хотноо зохион байгуулагдахаар болжээ. Одоогийн байдлаар Японд морин хуур хөгжим сонирхон суралцаж байгаа 600 гаруй иргэн байдаг бөгөөд тэдний шилдгийг шалгаруулах зорилгоор ирэх  аравдугаар сарын 5, 6-нд анхдугаар уралдааныг ийнхүү зохион байгуулах  гэж байна. Шилдгээр шалгарсан Японы морин хуурч нь Морин хуурын чуулгын дэргэдэх “Арга билэг” хамтлаг, дуучин Г.Ариунбаатар, Д.Отгонжаргал нартай хамт Токио хотын Кюүриан танхимд аравдугаар сарын 12-нд “Монгол Аялгуу-2” тоглолтод оролцох эрхтэй болох гэнэ. Д.Цэцэг