"Домог" хамтлагийнхан  Монгол, Австрийн хооронд дипломат харилцаа тогтоосны 50 жил, Вена хотноо Монгол Улсын Элчин сайдын яам нээн ажиллуулсны 10 жилийн ойн хүрээндАвстрид оршин суугаа Монгол иргэдэд тоглолтоо сонирхуулсан байна.   Тэд саяхан Болгар улсад зохиогдсон язгуур урлагийн дэлхийн аварга шалгаруулах уралдаанд оролцон Гран-при шагнал хүртэж, “Дэлхийн язгуур урлагийн 2013 оны үнэмлэхүй аварга” цолны эзэн болсон билээ. Тэгвэл алтан цом  хүртсэн "Домог" хамтлагийнхан маргааш өглөөний 05. 30 цагт "Чингис хаан" олон улсын нисэх буудалд бууна. Тэднийг 30 гаруй морин хуурчид бусад уран бүтээлчид гээд өргөн бүрэлдэхүүнтэй угтан авахаар төлөвлөжээ. Язгуур урлагийн дэлхийн аварга шалгаруулах  тэмцээнд манай улмаас “Домог” хамтлагаас гадна  “Улаанбаатар” ,  “Сүлд” чуулгын  бүжигчид,уран нугараач, уртын дуучид баг болон оролцсон юм. Д.Цэцэг