• 2013-09-09

Манай урлагийн бүтээлүүд өвлийн олимпийн нээлтэд өрсөлдөж байна

img

ОХУ-ын Сочи хотноо ирэх онд болох өвлийн олимпийн нээлтэд оролцох урлагийн бүтээлүүдийн сонгон шалгаруулалт явагдаж байна.

Тус шалгаруулалтад манай улсаас ардын хөгжмийн “Домог” хамтлагийн “Түмэн агтны төвөргөөн” аялгуу, уран нугараач Г.Нямгэрэлийн дэглэн найруулсан есөн уран нугараачийн үзүүлбэр оролцон, өрсөлдөж байгаа юм.

Шалгаруулалтын эхний шатны санал асуулга онлайнаар явах бөгөөд  Youtube: Уран нугаралт. Г.Ням-Гэрэлийн дэглэлт Youtube Домог-Түмэн Агтны Төвөргөөн линкүүд дээр энэ хоёр бүтээлийг ямар сайт руу орж, хэрхэн санал өгөх тайлбарын хамтаар тавьсан байгаа аж.

Иймд дээрх линкээр орж, монголынхоо уран бүтээлчдийг дэмжин, олимпийн нээлтийн ёслолыг монгол хүний авьяасаар чимэхийг уриалж байна.

Б.Буд

СЭТГЭГДЭЛ БИЧИХ

Зочин:
Ингэж уриалах нь өвлийн олимпод оролцох эсэх асуудал дээр ямар хамаатай юм бэ? Урд нь уртын дуучин Хонгорзулаас эхлээд нэлээдгүй олон хамтлаг иймэрхүү арга хэмжээнүүдэд оролцож л байсан шүү дээ. Харин бусад хамтлагийнхаа бүтээлүүдийг түүж тоглохгүй байх хэрэгтэй. Юун Хартай сарлаг, Түмэн агт вэ? Тэр чинь Германд байдаг Хөх Монгол, Эгшиглэн хамтлагийн уран бүтээлүүд шүү дээ. Сүүлд Бөртэ хамтлагийн бүтээлээс ТВ-ээр өөрийн болгож ярьж байсан. Толгойн ажилладаггүй юм уу хаашаа юм.
2013-09-17