-Та ямар машин унаж байгаа вэ? -Машингүй. Надад машин авах мөнгө байхгүй. -Та одоо тайчиж байгаа гэсэн. Манай эмээ шиг 62 настай хүн акробат эргээд байхаар хэцүү биш байна уу? -Эмээтэй зүйрлээд байхдаа яадаг юм бэ. Асуудалгүй. Танай эмээ нар чинь бол  хүүхэд энэ тэр гаргасан болохоор мэдээж хөдөлгөөн нь өөр болсон байгаа. Би ямар хүүхэд гаргасан биш. Тэгэхээр зүгээр шүү дээ. -Ямар муухай хэлдэг юм бэ? -Монголчууд угаасаа хүүхэд гаргаагүй эмэгтэйг муугаар үздэг. Гэхдээ намайг уучилсан юм шиг байгаа юм. /Ганбуушийн утас байн байн дуугарна/

-Уучлаарай та утсаа унтрааж болох уу? -Болноо. Сандаг-Очирын охин утасдаад байх  юм аа. -Д.Сандаг-Очир генерал уу? Таны түрүүн яриад байсан генерал мөн үү. Хамт Хандгайт явсан гээд байсан. Гоё газар үзүүлсэн генерал мөн үү? -Батлан хамгаалахын тэтгэвэртээ гарсан генералаа. Гэхдээ цагдаа ч байж л байна. -Иргэний үнэмлэхэн дээр таныг эрэгтэй гэдэг үү, эмэгтэй хэмээн тэмдэглэсэн байдаг уу. -За тэр хамаагүй ээ, үзүүлээгүй байна. -Таныг хамгийн эротик нэрийн хуудастай нь гэсэн байсан? -Нүцгэн тонгойчихсон л зурагтай болохоор сонин байхгүй юу миний нэрийн хуудас. Утасны дугааруудын сүүлийн дөрвөн дугаар нь байдаг. Тийм болохоор л өвөрмөц байхгүй юу.