Монгол хөгжимчид дэлхийн сонгодог бүтээлүүдийг эгшиглүүлнэ

img

  Итали улсад суралцан уран бүтээлээ туурвиж байгаа морин хийлч Д.Амармэнд, төгөлдөр хуурч Б.Номингуа нар маргааш буюу энэ сарын 13-нд Улсын филармонийн концертын танхимд сонгодог хөгжмийн тоглолтоо тавихаар болжээ. Тэд энэхүү тоглолтоороо цөөхүүл хөгжимд зориулсан дэлхийн сонгодог хөгжмүүдийг эгшиглүүлэх аж. Ийнхүү сонгодог урлагт шимтэгч үзэгч та бүхэн олон улсад авьяасаа таниулсан Монголын залуу хөгжимчдийн тоглолтын ур чадварыг мэдэрч, Италийн хөгжим урлаач Loeiz Honore-ийн мастер морин хийлийн аялгууг бодитоор сонсох боломж  бүрдэж байна. Д.Амармэнд, Б.Номингуа нар ирэх сард  Венец хотноо зохиогдох “Festival Galuppi”  сонгодог хөгжмийн наадамд оролцож, төв театр “Teatro La Fenice”-д тоглолтоо хийх юм байна. Б.Буд

СЭТГЭГДЭЛ БИЧИХ