Монголын үндэсний олон нийтийн телевизийн уран бүтээлчид Хил хамгаалах байгууллагын түүхт 80 жилийн ойд зориулан “Босго тотго” гэх 60 ангит уран сайхны кино бүтээжээ. Тус киногоор Монгол улсын хил хамгаалах байгууллагын үүсэл, хөгжил, үе үеийн хилчдийн түүхэнд гүйцэтгэсэн үүрэг, гавьяаг олон нийтэд сурталчлах зорилготой аж. Кино зохиолыг Төрийн соёрхолт Д.Норов бичиж, найруулагчаар Н.Энхтүвшин ажилласан бөгөөд зураг авалт өнгөрсөн зургадугаар сараас эхэлж жил хагасын хугацаанд үргэлжилсэн байна. “Босго тотго” кино энэ сарын 16 буюу ирэх даваа гарагаас эхлэн, МҮОНТ-ээр дамжин үзэгчдэд хүрэх юм. Б.Буд